બે ગપોડી ભેગા થયા

બે ગપોડી ભેગા થયા
અમદાવાદના ફૂટપાથ ઉપર રાતે સુતી વખતે વાતોએ ચડ્યા .
એક ગપોડી બોલ્યો હવે મારી માઠી દશા બેઠી છે .અને કોક પાસે રકાબી ચાની માંગણી કરવી પડે છે .
બાકી મારા બાપ દાદા ભેંસો રાખતા  એ એક એક ભેંસ  બબ્બે મણ દૂધ કાઢતી હતી .સાંભળીને બીજો બોલ્યો .
મારા બાપ દાદા બકરીઓ રાખતા હતા .એક એક બકરી મણ મણ દૂધ કાઢતી હતી .એ બકરી મરી ગઈ એટલે એના આંચલ કાપીને લટકાળી રાખ્યા છે .એ આંચલ માંથી  પાંચ શેર દૂધ તો હજી નીકળે છે.
ગપ #૨  એક ગપોડી કહે  મારા બાપ દાદા પાસે એટલા બધાં ઘોડાં હતાં કે ઘોડારના એક છેડે થી ખરેરો કરતા કરતા બીજે છેડે જાય .ત્યાં જે ઘોડી ગાભણી થઇ હોય એ ઘોડી  ઠાણ દ્યે .મતલબકે ઘોડારના  એક છેડેથી બીજે છેડે પહોંચતાં એક વરસ જેટલો સમય લાગે .પછી બીજો ગપોડી બોલ્યો  ,મારા બાપ દાદા એટલું મોટું ભાલું રાખતા કે   અમદાવાદના જમાલ પુર દરવાજે બેઠા બેઠા  ઓખાના વાઘેર બહારવાતીયાઓને ભાલેથી મારી નાખતા .બીજે ગપોડીએ સવાલ કર્યો
આટલું  લાંબુ ભાલું  ક્યે ઠેકાણેરાખતા હતા ? સાંભળીને   બીજો ગપોડી બોલ્યો .તારા બાપ દાદાની ઘોડારમાં રાખી આવતા હતા .

કરકસર

કરકસર
કેટલીક સ્ત્રીઓ  ભેગી થઈને મોંઘવારી  વિષે ચર્ચા કરી રહી હતી .કેટલીય વખત સરકારને ગાળો પણ ભાંડતી હતી .મુઈ સરકાર કઈ કરતી નથી .
કોઈ બેન એમ પણ કહેતી હતી કે  બેનો મોંઘવારી કોઈ મટાડી શકે એમ નથી .આપને બૈરાઓએ કરકસર કરવી જોઈએ ,પુરુષો તો કમાઈ જાણે પણ આપણે ગૃહ
લક્ષ્મી કહેવાઈએ ઘર વહેવાર આપણે ચલાવીએ છીએ ,માટે આપણે કરકસર કરવાનું શરુ કરી દેવું જોઈએ . સાભરીને એક બાઇ બોલી  . મેંતો કરકસર કરવાનું શરુ પણ કરી દીધું છે ,તમારા ભાઈને ઘી વગર જરાય નો ચાલે .દરરોજ ખીચડીમાં અને રોટલીમાં થઈને એને બે ચમચા જોઈતા .પણ હવે હું એકજ ચમચો ઘી વાપરું છું એમાં ખીચડી અને રોટલી માં બધેજ પૂરું કરું છું .ત્યાં બીજી બોલી આવીરીતે ઘી વાપરોતો ક્યાંથી પૂરું થાય .ઘી વગરતો તમારા ભાઈને પણ નથી ચાલતું એટલે હું નાની ચમચીજ  ઘી વાપરું છું .અને રોટલી ખીચડી બધામાં પૂરું કરું છું .ત્યાં ત્રીજી બાઈ બોલી મારો ધણી પણ ઘી વગર ખાય નહિ .અને મેંતો બેનો ચમચીના ડાંડલાઠી  ઘી વાપરવાનું શરુ કર્યું છે .ત્યાં ચોથી બોલી બેન આને કરકસર કરી નો કેવાય , ઘી વગરતો તમારાભાઈ નું ભાણું હું પીરસતી નથી .અમારા ઘરમાં ચાંદીની દાંત ખોતરની   પડી છે .એ ભરી ભરીને હું ઘી વાપરું છું. એ બધી સ્ત્રીઓની  વાતો સાંભર્યા પછી એક પાંચમી સ્ત્રી બોલી  .આવીરીતે ઉડાવ પણે ઘી વાપરીએ તો કોઈદી પૂરું થાય નહિ .આ પાંચમીની  વાત  સાંભરી  બધી સ્ત્રીઓ હેરતભરી નજરે આ બાઇ સામે જોઈ રહી .અને વિચાર કરતી થઇ ગયું કે આ બાઈ કેવી રીતે કરકસર કરતી હશે ,બધી સ્ત્રીઓ આ પાંચમીના   મોઢા સામી જોઈ રહી હતી .આ પાંચમી બોલી હું મારા માવતરેથી  પાશેર  ઘી  લાવેલી  અને બાટલીમાં ઘી નાખીને  બાટલીનું બુચ બંધ કરી દીધું છે .અને રોટલી ઉપર આ બાટલી  ફેરવી લઉં છું અને એવી રીતે ખીચડીમાં પણ બાટલી  હલાવી લઉં છું તમે માનશો .હજી ઘી એમને એમ છે .અને તમારા ભાઈ ઘી ખાય છે અને મજા કરે છે આજે આઠ મહિના થવા આવ્યા ઘી એમને એમ છે .આનું નામ કરકસર કહેવાય