હું મને ઈંગ્લીશ થોડું બોલતાં અને સમજતાં શીખવનાર અમેરિકન સ્ત્રી શક્તિનો આભારી છું .

હું અમેરિકા આવ્યો ત્યારે મને જરાય ઈંગ્લીશ બોલતાં વાંચતાં કે સમજતાં જરાય આવડતું નહીં . મારાભાઈની અમેરિકન પત્ની એલિઝાબેથ મને ઈંગ્લીશ શીખવવા દિલ ચશ્પીથી મહેનત કરતી . એવી રીતે મારો ભાઈ પણ
એલિઝાબેથને મને શીખવ્યું . હોય એ હું ભૂલી જાઉં એ નગમે . એટલે મને બહુ ધીરેથી શાંતિથી કહે બ્રધર મેં તમને કાલેજ શીખવ્યું હતું . એ તમે ભૂલી ગયા .આ બાબત એલિઝાબેથને થોડો કંટાળો આવે . એ મને ન ગમે એક વખત મેં મારા ભાઈને કીધું કે તું એલિઝાબેથને કહી દે કે મને શીખવવાનું પડતું મૂકે “જે સોનુ કાન તોડે એવું સોનુ હું પહેરવા માગતો નથી ” મારા ભાઈએ છ દિવસમાં મારા માટે નોકરી શોધી કાઢી પણ મને ઈંગ્લીશ આવડે નહિ એટલે સખત મહેનતનું કામ મને પ્રિન્ટિંગ પ્રેસમાં મળ્યું . મુંબઈની મુળજી જેઠા માર્કીટના કાપડના તાકા ઉપાડવા જેવું .મને મારા ભાઈએ કીધેલું કે દેશમાં તમે ખુબ હાડમારી વાળી અને જોખમી નોકરી કરી છે .અહીં તમે આરામ કરો બાપા મરી ગયા પછી તમે બાપાના ઠેકાણે છો અમને તમારી સેવાની તક આપો . મેં ભાઈને કીધું કે હું દેશમાં હતો , ત્યારે મારે દારુણ ગરીબીનો સામનો કરવો પડતો ત્યારે તારી મદદની ઓફર હોવા છતાં તારી પાસેથી એક પૈસો પણ લીધેલો નહિ . અને અમે મારી વાઈફ અને દીકરાઓએ સખત મહેનત કરી ગરીબી સામે ધીંગાણે ચડી અને આબરૂ ભેર ઘર વહેવાર ચલાવ્યો . તો આ ડોલરિયા દેશમાં મને મહેનત કરવાની શક્તિ હોવા છતાં તારા ઉપર શા માટે આધારિત રહું ? હું નોકરી કરીશ અને તુને મારો ખર્ચો પણ આપીશ . જો આ તુને કબૂલ હોય તો હું અહીં રાહુ નહિતર તું મને દેશ ભેગો કરી દે .
મેં અમેરિકા આવતા પહેલાં એવું મનોમન નક્કી કરેલું કે મારે કામ ચલાવ ઈંગ્લીશ શીખી લેવી , મારું પોતાનું ઘર હોય . અને પોતાની કાર હોય , અને આ મારા ભાઈના રૂડા પ્રતાપમાં અને આ હિમ્મતની સખત મહેનત કરવાની હિમ્મતના પ્રતાપમાં અને પરમેશ્વરની કૃપાના પ્રતાપમા શક્ય બન્યું . મારે એરિઝોનામાં પોતાનું ઘર થઇ ગયું . સુબરુ કાર પણ થઇ ગઈ . આ મારી વાતોમાં કોઈને મારું અભિમાન લાગતું હોય તો લાગવા દઈશ .
હું પ્રિન્ટિંગ પ્રેસમાં નોકરી કરવા મન્ડ્યો . પ્રેસમાં નોકરી કરતી બેનું દીકરીયું મને બહુ હર્ષ ભેર એક્ટિંગ કરી કરીને ઈંગ્લીશ શીખવવા માંડ્યું ; વસ્તુ ઘા કરીને કહે આને થ્રો કહેવાય ,વસ્તુ મૂકીને કહે આને પૂટ કહેવાય આમ હું સ્ત્રીઓની મદદથી હું શીખવા માંડ્યો સ્ત્રીઓ મારી મશ્કરી પણ કરે મને મારી ભૂલ બાબત ટાપલી પણ મારી લ્યે . મને આ બધું ગમતું . અને હું થોડું ઘણું ઈંગ્લીશ બોલતાં સમજતાં શીખી ગયો . અને વખત જતાં મારી મહેનતની નોકરીનો અંત આવ્યો . અને મને બહુ આરામની નોકરી કરવાનું થયું . એટલુંજ નહિ હું ત્રણ છોકરીયુંનો બોસ બની ગયો પણ મને બોસ પણું આવડે નહિ . હુંતો છોકરીયું સાથે આનંદ મઁગલજ કરું , મને મારો મેનેજર મને એકાંતમાં કહે કેtme કોઈ કામ આવે એટલે દોડીને કરવા મઁડી જાઓ છો . અને આ છોકરીયું ને પેધાડો છો . તો તો પછી એ તમારાસાહેબ થઇ જશે .
આ પ્રિન્ટિંગ પ્રેસમાં મેં એક ધારી દસ વરસ કરતાં વધુ સમય નોકરી કરી અને પ્રેસના કાયદા પ્રમાણે પ્રોફિટ બેનિફિટ લઈને છૂટો થયો . જય શ્રી કૃષ્ણ
એક મહિનો મારા દીકરા દેવ સાથે પીસકાટવે ન્યુજર્સી રહેવા ગયો . અને અહીંના સિનિયર સિટીજન સેન્ટરમાં જવા લાગ્યો .આ સેન્ટર નજીક લાઈબ્રેરી પણ છે . હું લાઈબ્રેરીમાં પણ જતો .અને કમ્પ્યુટર વાપરતો . કમ્પ્યુટરમાં મારે કોઈ મદદની જરૂર જણાયતો લાઈબ્રેરિયનને બોલાવું તો તે આવીને માર્ગ દર્શન આપી જાય . એક વખત મારી નજીકમાં એક છોકરી કોમ્પ્યુટર વાપરતી હતી . તે આપણા દેશનીહતી . ગુજરાતી .. મારે કમ્પ્યુટરમાં મદદની જરૂર પડી એટલે લાઈબ્રેરિયનને બોલાવવાને બદલે એ છોકરીને પૂછ્યું . તું મને થોડી મદદ કરીશ ? . એવું હું હિન્દીમાં બોલ્યો . તેણે મને બહુ સભ્યતાથી અને હરખાઈને હા પાડી . મેં તેને પૂછ્યું તું દેશમાં ક્યાં ની છો ? તે બોલી હું ગુજરાતની છું .પછી હું એની સાથે ગુઈરતીમા વાત કરવા લાગ્યો . એ મને મારી દાઢી મૂછ અને મારા માથાના અકબંધ વાળ જોઈ તે મને હું શીખ છું એવું સમજેલી તે કહે સરદારજી તમે સરસ ગુજરાતી બોલો છો . ગુજરાતી ભાષા તમે ક્યાંથી શીખ્યા ? મેં કીધું હું ગુજરાતી છું . તે કહે તમને એમ કે તમે ગુજરાતી એમ કહેશો એટલે ગુજરાતી છોકરીયું ભોળવાય જશે .. પણ એ વાતમાં માલ નથી . હું તમે ધારો છો એવી ઢીલી પોચી ગુજરાતી હું નથી . આ અનીસાએ મને કમ્પ્યુટરમાં ઘણું માર્ગદર્શન આપેલું . અછીતો એ મારી સાથે ખુબ ભળી ગયેલી અમેરિકન છોકરીયુંથી ટપી જાય એવી છૂટથી વર્તવા લાગેલી . એ કહેતી હતી કે હું નોકરીની અને મારા માટે કોઈ યોગ્ય યુવકની શોધમાં છું . તમારા ધ્યાનમાં કોઈ છોકરો હોય તો મને કહો . મેં કીધું હાલ કોઈ મારા ધ્યાનમાં નથી . પણ મારા ધ્યાનમાં કોઈ છોકરો આવશે તો તુને હું વાત કરીશ . આ છોકરી મારી સાથે એટલી બધી ભળી ગયેલી કે તે મારી શિક્ષિકા હોય એવા રૂવાબથી મને કમ્પ્યુટર શીખવતી . કોઈ વખત મારો કાન પણ તાણી લેતી ., મને કહે તમારો સ્વભાવ મને બહુ ગમી ગયો છે . જો તમે જૂંફવાન નહોત તો હું તમારી સાથેજ લગ્ન કરીલેત પછી મારાથી નો રેવાણું મેં કીધું હું જુવાન હોત તો . હું તારા ઉપર બળાત્કારજ કરત તો તે બોલી તમને હું બળાત્કાર કરવાની તકજ નો આપું . સીધે સીધી તમારી આગળ ચાલીને કોઈ યોગ્ય સ્થળે તમને લઇ જાઉં . એક શે ર अनीसा के मान में
बग़ैर सोचे समजे किसीसे न दिल लगाना
अनीसा मैं तेरा आशिक़ मुझको न भूल जाना

હું phoenix arizona થી ટે.ને.સી. મારા પૌત્ર david સાથે રહેવા આવ્યો .

મને ડેવિડે મને પૂછ્યા વગરજ વન વે ની પ્લેનની મોકલી આપી . હું અવાક થઇ ગયો , मैं ला जवाब हो गया . મારો પાડોશી chris suazo અને એની પત્ની
priscilla અને એનો પુત્ર પરિવાર મને પોતાના કુટુંબના સભ્ય જેવોજ ગણે છે ,એક વખત સિનિયર સેન્ટરમાં જાદુનો પ્રોગ્રામ હતો .( આ સિનિયર સેન્ટર આપણા બ્લોગર ભાઈ સુરેશ જાની એ જોયું છે . ) દરેક સિનિયરોને એવું કહેવામાં આવેલું કે તમે તમારા પૌત્રો પૌત્રીઓને પણ ખેલ જોવા લાવી શકો છો .અને એમનો જમવાનો પ્રબંધ સેન્ટર તરફથી થશે . મેં પ્રશ્ન કર્યોકે મારો પૌત્ર અને પૌત્રીઓ મારાથી હજારો માઈલ દૂર રહે છે . તમે જો કહેતા હોતો હું મારા પાડોશીના છોકરાં ને લઇ આવું ? અધિકારીએ મને હા પાડી અને મેં પડોશી ક્રિશના છોકરાં લઇ આવવાનું નક્કી કર્યું . છોકરાં ઓને એની મા સમય સર સેન્ટરમાં લઇ આવી . સેન્ટરના અધિકારીએ છોકરાંઓને પૂછ્યું તમારું અહીં કોણ છે ? દરેક છોકરાં ઓએ પોતાના દાદા દાદી તરફ આંગળી ચીંધીને દેખાડયાં . ક્રિશની પૌત્રી વિક્ટોરિયાને પૂછ્યું . ? તારું અહીં કોણ છે ? વિક્ટોરિયાએ મારા તરફ આંગળી ચીંધી અને બોલી મારા દાદા હિમ્મત અહીં છે . હું તો ગદ ગદ થઇ ગયો . મારું હૈયું ભરાઈ આવ્યું .
આવા બધાનો સ્નેહ મૂકી હું ડેવિડ સાથે રહેવા આવ્યો . મેં ડેવિડની વાઇફને પૂછ્યું હું કેટલો વખત તમારી સાથે રહેવાનો છું . તે બોલી હવે તમારે અમારી સાથે કાયમ માટે રહેવાનું છે . ફિનિક્સથી અહીં ડેવિડ સાથે રહેવા આવ્યો એમાં મેં ઘણું ગુમાવ્યું છે . પણ સાચા પ્રેમની આગળ એ બધું કુચા છે .એક ફિલ્મી ગીત પંજાબી ભાષામાં છે કે
પ્રેમ નજાણે દિન ધરમનું પ્રેમ ન જાણે જાતાં
એહદે હથથું ગરમ લહુ બીચ ડુબિયાં લખ્ખ બરાતાં એ પ્રમાણે મને ડેવીડનાં દીકરો દીકરી ખુબ આનંદ કરાવે છે . દીકરો 11 વરસનો અને દીકરી 10 વર્ષની હું આવ્યો ત્યારે હતાં . દીકરી દીકરાની સરખામણીમાં મોટી અને પ્રભાવ શાળી છે . એનાથી દીકરો ડરે છે . દીકરી એના બાપને પણ ધમકાવી લ્યે . મારો દેખાવ બાળકોને બિહામણો લાગે છે . શરૂઆતમાં દીકરી કે જેનું નામ જીઆના છે પણ હું એને ज़िआ કહું છું . જે અરબી શબ્દ છે . જેનો અર્થ સૂર્યનો પ્રકાશ અથવા પ્રકાશ થાય છે . શરૂઆતમાં મારાથી જીઆના ડરતી ભૂલથી મારા સામે જોવાય જાય તો એ પોતાના વાળથી પોતાની આંખો ઢાંકી દેતી પણ હવે સ્કૂલેથી આવ્યા પછી દોડીને મને ભેટે છે . અને એવી રીતે દીકરો પણ ભેટે છે , દીકરો જમવાનો ટાઈમ થાય એટલે જમવા બોલાવે અથવા મારી રૂમમાં આવીને ભોજનની થાળી આપી જાય .
હું દર રવિવારે. સ્વામિનારાયણ મન્દિરે જાઉં છું . મને ડેવિડ લઇ જાય છે . એક વખત જીઆનાને મન્દિરે આવવાની ઈચ્છા થઇ . એના બાપ પાસે મઁદિરે જવા માટેન નવા લૂગડાં લેવડાવયાં પણ તે છોકરી હોવાથી જુદું બેસવું પડે એટલે મન્દિરે આવવાનું માંડી વાળ્યું . પાવર ફૂલ જીઆનાને હું ક્યારેક રણચંડી કહું છું . માંડ કરીને જીઆના મારી હેવાઈ થઇ હતી . એટલામાં મેં એને દેખતાં ફૂલ ઉપરથી પકડીને ભમરો મારા મોઢામાં મુક્યો . અને એ લેપ ટોપ કે એના હાથમાં હતું તે પડતું મૂકીને ભાગીજ ગઈ . પણ હવે મને એ વ્હાલ થી ભેટે છે . એની સ્કૂલમાં કોઈ પ્રોગ્રામ માટે અમો ગયેલાં ત્યારે ટીચર અને બીજા સહાઘ્યાયીઓને હર્ષ ભેર મારી ઓળખાણ કરાવતી હતી કે આ મારા ગ્રેટ ગ્રાન્ડ ફાધર પંચાણું વરસની ઉંમરના છે ,
મન્દીરમાં મારે એક જશવંત બ્રહ્મભટ્ટ નામના ભાઈ સાથે ઓળખાણ થઇ તેઓને ઉર્દુ ગમે છે . હું તેઓને શેર શાયરી સંભળાવું છું . હવે ભેગા થશે ત્યારે મોમીન જેવા શાયરોના શેર સંભળાવીશ . અને વિગત કહીશ કે એક મુસલમાન ભૂખ્યો હોવાથી . જમવા માટે કોઈના કહેવાથી મન્દિરે ગયો . અને આભૂષણોથી શણગારેલી મૂર્તિઓ જોઈ ખુબ આકર્ષિત થયો . અને તેને મન્દીરમાં સ્વયં સેવક તરીકે સેવા કરવાની ઈચ્છા થઇ ગઈ , અને તે મન્દીરમાં સેવક તરીકે રોકાઈ ગયો . કેટલાક મુસલમાન ભાઈઓને આ વાત ન ગમી તે લોકોએ મન્દીરના પુજારીને કીધું કે તમે આ મુસલમાનને મંદિરમાંથી કાઢી મુકો . નહિતર તમારું મન્દિર અભડાઈ જશે તમારા ભગવાન અભડાઈ જશે . સમજદાર અને શાણા પુજારીએ જવાબ આપ્યો કે દરેક મનુષ્યોને પરમેશ્વરે સરજાવ્યા છે . ઊંચ નીચ અને આભડ છઠના ભેદ મનુષ્યોએ રચ્યાં છે . મુસલમાનોએ પુજારીને પુચ્છયું શું તમે આને હિન્દૂ બનાવવા માગો છોં ? પુજારીએ જવાબ આપ્યો . હિન્દૂ જન્મે છે . બનતા નથી હોતા હિન્દૂ , યહૂદી ,પારસી જેવા જન્મે છે પણ બનતા નથી હોતા પછી મુસલમાન ભાઈઓએ તેને કાબા લઇ જવાનું વિચાર્યું . ત્યારે મન્દીરમાં સેવા કરવા રોકાઈ ગયેલો મુસલમાન બોલ્યો . बूतखाने से न काबेकी तकलीफ दे मुझे “मोमिन ” अब तू माफ़ कर यहाँ जी बहल गया . એ સેવક મુસલમાને કાબે જવાની ના પાડી તે છતાં એને કાબે લઇ ગયા , અને એ સેવક કાબે જઈ આવીને પાછો મંદિર માં આવી ગયો . ફરી મુસલમાનો સમજાવવા મંડ્યા . ત્યારે સેવક મુસલમાને જવાબ આપ્યો કે काबे भी हम गए न गया पर बुतोका इश्क . इस दर्दकी खुदाके भी घरमें दवा नही .

આ જમાનામાં સાસુઓનું સાસુ પણું છીનવાય રહ્યું છે .

હું phoenix arizona માં રહેતો હતો . ત્યારની વાત હું કરું છું .અહીં ભારતીય લોકોની પોતાની માલિકીનો એક વિશાળ હોલ છે .આ સ્થળે સિનિયર લોકો અઠવાડિયામાં એક દિવસ ભેગા થાય છે .સૌ એક બીજા સાથે પોતાના સુખ દુ :ખની વાતો કરે ભજન કીર્તન કરે ચારેક કલાક પછી સૌ થોડુંક જમે અને પછી વિદાય લે . કેટલાક લોકો ઈર્ષાળુ પણ હોય છે . જે કોઈનું સારું થતું હોય એ સાંખી નથી શકતા . ખાસ કરીને જે લોકો પોતાને મોટા ભા સમજતા હોય એ લોકો . એક મારા પરમ સ્નેહી મિત્ર ગોરધન ભાઈ કરીને છે ,હતા . કેમકે તેઓ હાલ સ્વર્ગમાં વસે છે , તેમણે અને તેમના વાઈફ નિર્મળા બેને મને વાત કરીકે હેમતભાઈ તમારા જન્મ દિવસની અમે ઉજવણી કરીએ . મરનાર ની પ્રશંશા તેના મૃત્યુ પછી તેના હેતુ મિત્રો કરતા હોય છે . પણ એની ખબર મૃત્યુ પામનારને હોતી નથી . માટે અમારો વિચાર છેકે તમારી જન્મ તિથિ આપણે આપણા હોલમાં રીતસરનું આમંત્રણ આપી સિનિયરોને ખાસ બોલાવી પાર્ટી રાખીએ અને ખાસ જમણવાર રાખીએ . ગોરધનભાઈ મારા કરતાં ઉંમરમાં ચારેક વર્ષ નાના મેં તેમને કીધું ભાઈ આટલો મોટો ખર્ચો કરવાની શી જરૂર છે . એના કરતાં મારે ઘેર કે તમારે ઘરે આપણા ખાસ મિત્રોને બોલાવીને નાનકડી પાર્ટી જેવું કરી લઈએ . ગોરધન ભાઈ કહે ના મારે બહુ ઠાઠ થી પાર્ટી કરવી છે . અને આ માટે તમારે વહીવટ કરવાનો છે . રસોઈ કરનારને કહેવાનું છે કે મેસુબ મોહન થાળ જેવું મિષ્ટાન્ન અને સાથે ગાંઠિયા ભજિયાં પાપડ વગેરે ખરુંજ આ પાર્ટી વિશેની વાત મેં એક કહેવાતા મોટા ભા ને કરી . આ પાર્ટીમાં ભાગ લેવા મારો દીકરો એના કુટુંબ સાથે ન્યુ જર્સીથી આવવાનો હતો . સાધારણ રીતે સિનિયરો અઠવાડીએ વિસ થી પચ્ચીસ માણસો ભેગા થાય ; પણ મોટા ભા એ આગ્રહ કરી કરીને 70 માણસો ને તેડાવ્યા . અને મને વાત કરી મેં કીધું ભલે ગોરધન ભાઈની ઈચ્છા છે તો ભલે થઇ જાય , મોટા ભા એ એવી વાત નકરી કે એક ભજન ગાવા વાળાને તેડાવીએ આ ભજન ગાવા વાળો ભજન ગાઈ લ્યે પછી સૌ જમે અને જમી લીધા પછી તમારી પાર્ટીનો પ્રોગ્રામ રાખીએ કેક વગેરે કાપવાનો અને હેપી બર્થ ડૅ બોલવાનું તાળિયો પાડવાની . મેં કીધું ભાઈ જમી લીધા પછી કોઈ હેપી બર્થ ડૅ કહેવા ઉભું રહે ખરું ? મેં કીધું ભજન સાંભળવાનું પછી રાખીયે પાર્ટીનું કામ પહેલા પટાવીએ તો તે ભાઈ બોલ્યા ભજનનો કાર્યક્રમ પહેલા રાખીએ મેં એક ભાઈને વાત કરી અને કીધું આવી ભજન ની વાતનું મહત્વ નથી . માટે હું પાર્ટીનું કેન્સલ કરું છું . આ વાતની મોટા ભા ને ખબર પડી કે હેમતકાકો સાવઝ વિફર્યો છે . અને પાર્ટી કેન્સલ કરવાની વાત કરે છે . જો પાર્ટી કેન્સલ થાય તો મોટા ભા એ બધાને આગ્રહ કરી કરીને 70 માણસોને પાર્ટીમાં આવવાનું આમંત્રણ આપી રાખ્યું છે એનું શું આતો મારું નાક કપાય જાય . અને મોટા ભા મારે પગે પડયા અને ભાઈ બાપા કહેવા માંડયા . અને કીધું કે તમારી પાર્ટી પહેલી પછી બીજી વાત અને પછી ધામ ધુમથી પાર્ટી થઇ મારી ગ્રાન્ડ ડોટરે ભરત નાટ્યમ નૃત્ય કર્યું . મુવી લીધી ડી વી ડી બનાવડાવી અને ડી વી ડી કોઈ મિત્રોને ભેટ પણ આપી .
અમે સિનિયરો ભેગા થઈએ છીએ ત્યાં એક બેન એમના પતિ સાથે આવે છે . આ બેન આફ્રિકામાં શિક્ષક હતાં . એમના દીકરાની દીકરીને કોલેજમાં કોઈ બાંધ કામનો પ્રોજેક્ટ આવ્યો . એમના દીકરાની વહુએ તેમને વાત કરીકે તમે કોઈ સિનિયરને કે જે એમની પ્રોપર્ટીમાં એમને ઉપયોગી થાય એવું કૈંક બાંધકામ કરવા દ્યે . બધા સિનિયરોતો પોતાના દીકરા કે દીકરી સાથે રહેતા હોય . એ કશું કરી ન શકે એમણે મને વાત કરી કેમકે હું સ્વતંત્ર મારી પોતાની માલિકીના ઘરમાં રહુ છું . અને મારે કોઈને પૂછવા પણું નહિ . કે હેમતભાઈ તમને મારો દીકરો તમારા બેક યાર્ડમાં તમારા મોરલા માટે વિશાળ પાંજરું બનાવી આપે મેં તેમને વાત કરી કે બેન મારો પૌત્ર ડેવિડ એના છોકરાં માટે બેક યાર્ડમાં હિંચકો બનાવવા માગે છે , વળી મેં મોરલા માટે વિશાળ પાંજરું બનાવી નાખ્યું છે એટલે મારે પાંજરું બનાવવાની જરૂર નથી . પણ બેને મને આગ્રહ સાથે વિનંતી કરી . એટલે મેં હાપાડી .પછી એનો દિરો જગ્યા જોઈ ગયો . અને મને કીધું કે આ ઠેકાણે હું બે દિવસમાં માણસોને લઈને આવીશ અને એ પહેલાં બે મજુર આવશે . એ આ જગ્યાએ થોડા અડબાઉ છોડ વગેરે છે એ સાફ કરી જશે . અને આ મેક્સિકન લોકો તમારી ખુરશી વગેરે જે પડ્યું હશે એ પણ લઇ જશે . માટે એવી વસ્તુ દૂર કરી લેજો . એક વખત બે મેક્સિકન ટ્રક લઈને આવ્યા . હું આ વખતે ઘરે નોતો એટલે મારી વાઇફે એને બેક યાર્ડમાં જવા ન દીધા એટલે એ લોકોએ જે બેનને મેં બેક યાર્ડમાં પાંજરું બનાવવાની હા પાડેલી એના દીકરાની વહુને પૂછ્યું કે ઘરધણી હાજર નથી એટલે તેની વાઈફ અમને બેક યાર્ડમાં જવા દેતી નથી . હવે તો વહુના હાથમાં બધી સત્તા હતી . વહુએ કીધું કે તમને ફ્રન્ટ યાર્ડમાં કંઈ અઘોચાર જેવું લાગે એ સાફ કરી નાખો . આ લોકોએ મારા ઘરને અડીને મેં જે છોડ વાવેલા ઉનાળામાં ઘર ઠંડુ રાખવા માટે એ અગત્યના છોડ પણ કાપી નાખ્યા . અને બધું ચોખ્ખું ચણક કરી નાખ્યું હું આવ્યો એટલે મને કચરાથી ભરેલો ટ્રક દેખાડ્યો . હવે એને મારા કામના છોડવા કાપી નાખ્ય એ કહેવાનો કંઈ અર્થ નોતો . મારા આવ્યા પછી એ ભરેલો ટ્રક ખાલી કરી આવ્યા અને પાછળ સાફ સૂફી કરવા મંડ્યા , સાસુ બાનો ઘડી ઘડી ફોન આવે કે હેમત ભાઈ પૈસા આપવા પડે છે . દીકરાને પ્રોજેક્ટ કરવાની જગ્યા છે એજ સાફ કરાવજો મેં કીધું તમારા દીકરાની વહુ કહે છે . એજ એ કામ કરે છે , મારું કંઈ માને એમ નથી . તમારા દીકરાની વહુ કહી ગઈ છે . એજ એ સાફ કરે છે . વહુ એમનું કંઈ માને નહીં એ બાબત સાસુને ધોખો થાય પણ એની દાઝ મારા ઉપર ઉતારે મને કહ્યા કરે કે એ લોકો મફત કામ નથી . કરતા પૈસા આપવા પડે છે . મેં એમને કીધું ધીરજ રાખો હું એમને કંઈ કહીશ નહીં અને મારું એ માને એમ પણ નથી . તમે તમારા દીકરાની નવાઈફને પૂ છી જુવો કે હું તેમના મજૂરોને કંઈ કહી શકું એમ છું ? ઉલટાની મમરી હોજ વગેરે ઘણી વસ્તુ લઇ ગયા હું બધું કપ છાપ જોયા કરું છું પણ સાસુ બા મારા ઉપર ગુસ્સામાંજ રહે છે . મારા માટે એ બેન ઘણા સારાં હતાં પણ હવે વિફર્યા છે મેં મોરને નવા પાંજરામાં મુક્યા એમાં એને ઈંડાં સેવ્યા પણ નહીં . અને ડેવિડ કહે તમને મેં કીધેલું કે આ જગ્યા તમે હિંચકા માટે રાખજો પણ તમે મારું માન્યા નહીં અને સારા થવા માટે જશ લેવા માટે તમે પાંજરું બનાવવા જગ્યા આપી .
પછી મારી વાઈફ ગુજરી ગયા પાછી મોરલા કાઢી નાખવાનું નક્કી કર્યું પણ વેપારીને આપીને પૈસાની જરૂર નોતી . વેપારી કરકસર કરવા માટે પક્ષીઓને પૂરું ખાવા પણ આપતા નથી હોતા . પણ કોઈ પાળવાનો શોખીન હોય એને મફતમાં આપવાના છે . મેં ઘણાને પૂછી જોયું . પણ કોઈ મફત રાખવા પણ તૈયાર ન થયું પછી આ સાસુબાને વાત કરીકે કોઈ તમારો ઓળખીતો હોય અને મોરલાને પાળવા ઈચ્છતો હોય તો મને કહો તો આ મોરલા મારે મફત આપી દેવાના છે . એણે માણસને મોકલ્યો . કે આ માણસ પક્ષીઓનો પ્રેમી માણસ છે . તે કદી પક્ષીને વેચતો નથી . કોઈ પાળનારું મળે તો એને એ મફત આપી દ્યે છે . એવું જૂઠું બોલીને મારા મોરલા વેપારીને અપાવ્યા અને મારા ઉપરની દાઝ કાઢી . સંતોષ માન્યો .

ગામડાની જાતિ ભેદની જૂની વાતો

દેશીંગા  માં નદીને સામે કાંઠે  પાદરીયા પીપરા તરીકે ઓળખાતી જગ્યાએ પીપરા નીચે  પોતાની   ભેંસો બેસાડીને  એક કાટીયાવરણનો દીકરો બેઠો હતો  .અને નદીમાં ગામના માસ્તરનો ભાઈ  બ્રાહ્મણ નૌતમ  સ્નાન કરી રહ્યો હતો  . પીપરા   નીચે  એક જોગા બાપા  વડીલ બેઠા હતા   . તે નૌતમને જોઈને  કટિયાવરણના દીકરા નાગને કીધું   .  આ ભામણ ભાઈ લાડવા ખાય ખાયને કીવો લૂંઠકો થઇ ગયૉ  છે   . સાંભળીને નાગો બોલ્યો  ઈ ભલે લૂંઠકો દેખાતો હોય  પણ ઈ આપણને  કાટીયાવરણ ને  નો પુગે  (કાટીયાવરણ  ક્ષત્રિય  વર્ણનો  અપભ્રંશ  શબ્દ છે ) નાગાની વાત સાંભળી  જોગાબાપા બોલ્યા   .  ભામણ હોય ઈ ઢીલા પોચાને  બીકણીયા હોય  અને કાટીયાવરણ  બળુકા હોય  ઈવું માનવું  ભૂલ ભરેલું છે  . એલા  આપણા ગામમાં  કાનજી બાપા ભામણ  જ  હતાને ઈનીયે   ચોરને  તલવારના  ઍક્જઝાટકે નોતો ગુડી નાખ્યો  ? અને અમદાવાદમાં એક શીખને  ગુન્હો કબૂલ કરાવવા  પોલીસે  ઇન્સ્પેકટર  કુલકર્ણી ના હુકમથી  ખુબ લમધાર્યો  અને ઇથી ધરાના નઈ એટલે  તડકે ખરે બપોરે ઉભો રાખ્યો  .અને શીખ બેભાન થઈને નીચે પડી ગયો ને મરી ગયો  . હવે પોલિસ કસ્ટડીમાં  મરી ગયો  . એટલે પોલિસનું   આવી  બને  એટલે   લાશના કટકા કરી કોથળામાં  નાખી   દૂર ક્યાંક દાટી આવવાનો  કુલકર્ણીએ હુકમ કર્યો   . આ કેસમાં બે બ્રાહ્મણ હતા બે મુસલમાન હતા   . અને બાકીના બીજી બીજી જાતિના હતા   . એક સબ ઇકન્સ    .પંજાબી બ્રાહ્મણ હતો   . લાશના કટકા કરવાનો કોઈનો જીવ ચાલતો નોતો  . આલાશના કટકા  ધનેશ્વર નામના   ઔદીચ્ય  સહસ્ર   બ્રાહ્મણેજ કરેલા    પાપનો ઘડો ફૂટ્યા વિના નથી રહેતો   . એ કહેવત પ્રમાણે એક પ્રકાશસિંહ નામના  શીખ પોલિસે શીખોને  ફરિયાદ કરવા  ભેગા કર્યા  . અને ડી એસ પી  આગળ ફરિયાદ કરી   . પંજાબી શર્મા તાજનો સાક્ષી બન્યો  . અને કેસ દાખલ થયો   .  બધા છૂટી ગયા અને કુલકર્ણી પોલીસ ઇન્સ   .જેલમાં ગયા   .આ પ્રકાશસિંહ  મારો મિત્ર હતો  .. અમો ત્રણ મિત્રો હતા  એક  નાનક ચંદ કે જેના માથે તાલ હતી  એક હું હિમ્મતલાલ  અને પ્રકાશ સિંહ  બાલ વાળો પોલીસ બેડામાં  ટાલ  લાલ  અને બાલ ની ત્રિપુટી કહેવાતી  .
જોગાબાપાએ  નાગાને  વાત કરી એટલે નાગો ,   ખીજાય  ગયો એણે નૌતમ  સાથે બાથ ભીડી  અને નૌતમ નાગાને પછાડી માથે ચડી બેઠો  . અને  નાગાને  ઘુસ્તા મારવા માંડ્યો  . જોગા બાપાએ  નાગાને   નૌતમના  મારમાંથી છોડાવ્યો  . પણ નાગો ડંફાશ મારતા  બોલ્યો   . આજ હું ભૂખ્યો હતો  . એટલે નૌતમ મને

પછાડી શક્યો। કાલે હું ઘી ગોળ ખાઈને આવીશ અને બે મારા ભાઈબંધને લઇ આવીશ . અને નૌતમને બરાબરનો લમધારીશ જોગા બાપા કહે હવે બહુ બડાઈ ન કરીશ તારા બે ભાઈબંધને તું લઇ આવીશ અને ત્રીજો તું પણ એટલું યાદ રાખજે કે તમારા ત્રણમાંથી એકને તો નૌતમ અધઃ મુવો કરી નાખશે માટે વધારે ઝઘડો કરવાનું માંડી વાળ અને આબરૂને બચાવી લે . અને નાગો ગો ભાગો

आता साहबका भजन

એક કવિતા આપને  વાંચવા માટે આપું છું  .જે ઉર્દુ શબ્દો   વાળી છે  , અને તે ભક્ત કવિ દાસીજીવણ  ના ભજન “કરમન  ભજનનો  વેપાર  જી ”  ની રીતથી  ગાઈ શકાશે    .
सुबहान तेरी कुदरतपे क़ुर्बानजी
क़ुदरतपे  क़ुर्बान देखि मैंने  सबमे तेरी शान   ….सुबहान  १
अजब ग़ज़बका देख तमाशा  होगया मैं हैरानजी
अनासरका  बना खिलौना  रामने फूंकी जान   …सुबहान   २
इस दुनियामें जब तूं  आया   भूल गया भगवानजी
कुड कपटसे धन कमाके  होगया तू धनवान   ….सुबहान  ३
रामको बन्दा जब तूं  भुला सरपे चढ़ा शैतानजी
खराबातोमें  जा जा करके  हो गया तूं हैवान  …सुबहान ४
बूढा हुवा कमज़ोर हुवा तब सहने पड़े अपमानजी
क़ज़ा  आके ले जाएगी तब पड़ा रहेगा सामान   …सुबहान   ५
कर साहबकी   बंदगी प्यारे   छोड़ तेरा अभिमानजी
“आताश्रीकी ” विनती  सबको करो स्त्रियोंका सनमान ..सुबहान  ६
सुबहान = पवित्र  , भगवान //अनासर  = मूल तत्व
खराबात  = कुकर्मना अड्डा  , मदिरालय  , वैश्यालय   . वगेरे
क़ज़ा = मृत्यु

My Great Grandson little Aatai આતા નો પ્રપૌત્ર જુનિયર આતા ના અટક ચાળા

 

Small Clip

My Great Grandson Little Aatai