મારા જેવા ગાંડા માણસનું માનવું છે કે ભૂતકાળની દુ :ખ દાયક વાતો ભૂલી જવી પણ , પોતાને આનંદ થાય એવી ભુત કાળની વાતો યાદ કરવી જોઈએ , અને વૃદ્ધાવસ્થામાં ખાસ લખીને કે એકલા એકલા વાતો કરીને પણ આનંદ મેળવીને પ્રફુલ્લિત રહેવું . તો વાંચો આતાના ભૂતકાળની વાતો અને તમે પણ પ્રફુલ્લિત થાઓ .
હું આર્મીમાંથી છૂટો થયા પછી મને સંસ્કૃત ભણાવનારા બે વિદ્વાનોમાંનાં એક હતા બિહારના મૈથીલ બ્રાહ્મણ અને બીજા હતા બરડાઈ બ્રાહ્મણ
મૈથીલ બ્રાહ્મણ ન્યાય શાસ્ત્ર અને વ્યાકરણ શાસ્ત્રના વિદ્વાન હતા . તેઓ પંડિતજી તરીકે ઓળખાતા જ્યારે બરડાઈ બ્રાહ્મણ ગુરુજી તરીકે ઓળખાતા , પંડિતજી કાલિદાસ , ભવભૂતિ , માઘ .જેવાના કાવ્યો અને પાણિનીનું વ્યાકરણ વગેરે શીખવતા ગુરુજી સંધ્યા વંદનાદિ કરવાનું જયશંકર મહિમ્ન વગેરે સ્તોત્રો અને સત્યનારાયણની કથા ,ભાગવત કથા શ્રાદ્ધ લગ્ન વિધિ વગેરે શીખવતા .
મારા બાપાએ મને સંસ્કૃત ભણવા માટે જ્યારે મુક્યો . ત્યારે એવું કીધેલું કે મારા દીકરાને સંસ્કૃતના વિદ્વાન થવું છે . નહીકે દેવતાઓના પૂજન કરવાની લગ્ન કરાવવાની પિતૃઓના સ્વર્ગમાં ગયેલાઓનું કલ્યાણ કરવા ભગવદ સપ્તાહ ગરુડ પુરાણ . વાંચવા વગેરે યજમાન વૃત્તિ કરવાનું ભણવાનું નથી . એવો ધંધો તો મારા વડવા કાનજી બાપા મૂકીને આવ્યા છે . અને મુસલમાન દરબારની નોકરી કરતા અને હું પણ મુસલમાન દરબારની નોકરી કરું છું .
પ્રારંભમાં સંધ્યા વંદનાદિ શીખવા , પ્રાણાયમ વગેરે યોગ શીખવા ગુરુજી પાસે મુક્યો . મેતો ત્રણેક મહિનામાં આ બધું શીખી લીધું . આ બધું આશ્રમના કાયદા પ્રમાણે શીખવું ફરજીયાત હતું .આ બધું ભણી લીધા , પછી હું પંડિતજી પાસે ભણવા ગયો . અને સંસ્કૃત વ્યાકરણ શીખવા શુભારંભ કર્યો .
नत्वा सरस्वती देवीम शुद्धधाम गुण्याम करोमि हम
पाणिनीय प्रवेशाय लघु सिद्धांत कौमुदी
પંડિતજી પાસેથી હું સમર્થ તત્વવેત્તા બૃહસ્પતિ વિષે ઘણું જાણી શક્યો .
હવે હું ગુરુજી વિષે વાત કરું છું .
ગુરુજીને પોતે કૈંક વિશેષ છે . એવો દેખાડો કરવાનો શોખ ખરો . પોતે આશ્રમ બહાર ના રોડ નજીક ખૂણે ખાંચરે પેશાબ કરવા જાય , ત્યારે ચા પીવાનો પિત્તળનો કપ પાણી ભરીને સાથે લઇ જાય કે જેનાથી પેશાબ કર્યા પછી ધોઈ શકે , બીજા કોઈ આશ્રમ વાસી પેશાબ કરીને ધોતા નહીં અને પેશાબ પણ આશ્રમની અંદરના મેદાનમાં ક્યાંક ખૂણે ખાંચરે કરી લ્યે .
ગુરુજી પોતે મન્ત્ર તાંત્રિક વિદ્યા , જાત જાતના રોગોની ઔષધિ જાણવાનો પણ દાવો કરતા . જ્યોતિષ , હસ્ત રેખા . અનેક પ્રકારના તેલ પણ બનાવી જાણતા સ્ત્રીઓની રાશિ જોઈ તેને કેવા પ્રકારના તેલથી વાળ વળશે એવું પણ જાણતા થોડીક જાદુ જેવી ટ્રીકો પણ જાણતા મેલી વિદ્યા દૂર કરવાના જાપ પણ કરતા . આંકડાના ફૂલની ચટણી બનાવતા અને અમને સૌ વિદ્યાર્થીઓને ખવડાવતા પણ ખરા . પ્રાઈમસ ચલાવવાનો જાદુ જાણતા પ્રાઈમસ કઈ વસ્તુ છે , એ ઘણા મોટી ઉંમરના માણસો જાણતા હશે . જાદુની વ્યાખ્યા આપને કહું તો જોનારની નજરને ભુલાવવામાં નાખવાની આવડત એનું નામ જાદુ . પ્રાઈમસ ગુરુજી એવી રીતે ચલાવે કે જોનારા માણસોમાંના બેત્રણ માણસોની આંગળીઓ પ્રાઈમસ ઉપર મુકાવે અને પોતે પણ પોતાની આંગળીઓ પ્રાઈમસ ઉપર મૂકે ,અને પછી પોતે બોલે કે ચાલ એટલે પ્રાઈમસ ચાલવા માંડે . મેં એ ટ્રિક ગુરુજીની પકડી પાડી , પણ મેં મનમાં રાખી . ગુરુજીની પોલ ખોલી નહીં . ગુરુજી બોલ્યા પૂર્વ દિશામાં જા અને પ્રાઈમસ પશ્ચિમ દિશા તરફ ચાલવા માંડો સમજી ગયાકે આ કારસ્તાન હિમ્મતલાલના છે . મેં આ રીત મારા મિત્ર પ્રાણશંકર ને શીખવી . પછી ગુરુજી પોતે પ્રાઈમસ ઉપર આંગળીયો ન મૂકે કેમકે મારી આંગળીયો પ્રાઈમસ ઉપર હોય એટલે ગુરુજીને દૂર રહ્યે રહ્યે બોલવાનુંજ રહે . અને પ્રાઈમસ ચાલવા માંડે . મેં એક વખત ગુરુજીને કીધું કે ગુરુજી હવે હું નહિ હોઉં અને પ્રાણશંકર હશે તોપણ પ્રાઈમસ ચાલશે
એક વખત ગુરુજી પાસે મુહૂર્ત કઢાવવા એક માણસ આવ્યો . આ માણસ કઈ જાતિનો હતો એ મારે કહેવું નથી . કઈ જાતિનો હોઈ શકે એ આપ સમજી શકશો . ગુરુજીને મુહૂર્ત કઢાવવાની વાત કરી , એટલે ગુરુજીએ ટીપણું કાઢ્યું . મુહૂર્ત કઢાવવા આવનારે ટીપણાના ઉપર સવા રૂપિયો મુક્યો . ગુરુજીએ પૂછ્યું તું શું ધંધો કરે છે . ? તે બોલ્યો બાપુ હું પુરુષોમાં શક્તિ આવે એવા પ્રકારના તેલ બનાવું છું . ગુરુજી કહે મને તું કહે તું શેમાંથી તેલ બનાવે છે . હું પણ ઘણી જાતના તેલ બનાવું છું . તે બોલ્યો બાપુ આ પ્રશ્ન ન પૂછો તો સારું . કેમકે આ ઉત્તર તમને આપવા જેવો નથી . છતાં ગુરુજીએ આગ્રહ કર્યો એટલે કીધું બાપુ હું સાંઢાનું તેલ બનાવું છું . ગુરુજી વટમાં આવી ગયા , અને બોલ્યા અરે સાંઢાનું તેલ તો હું પણ બનાવું છું . સાંઢા વાળો બોલ્યો . બાપુ તમે ભરમાંના પુતર તમારાથી નો બનાવાય અમે કાટીયું વરણ કહેવાઈએ . અમે બનાવીયે ગુરુજી કહે દેખાડ તારો સાંઢો અને ઓલાએ સાંઢો થેલીમાંથી કાઢ્યો . જોઈને ગુરુજી પોતડી પકડી ને જાય નાઠા .
એક વખત મેં ગુરુજીને પૂછ્યું . ગુરુજી તમે પેશાબ કરવા જાઓ છો ત્યારે ઘરેથી નીકળતી વખતેજ કેમ કાને જનોઈ ચડાવી લ્યો છો ? જનોઈતો પેશાબ કરતી વખતે ચડાવવાની હોય . ગુરુજી નિખાલસ પણે બોલ્યા . ક્યારેક હું વાતુએ ચડી જાઉં છું , ત્યારે મુતરણી લાગી છે એ ભૂલી જાઉં છું . એટલે કન્ટ્રોલ રહેતો નથી એટલે મુતરી પડાય છે। એટલે કાને જનોઈ ચડાવી રાખી હોય ,
તો પાપમાં નો પડાય . બોલો સૌ સૌના ગુરુની જય
મારી ધર્મપત્નીને આ બ્લોગ સમર્પિત છે.
ગુજરાતી પ્રતિભા પરિચય – નવા પરિચય
આતાવાણી 
भूतकाल में आपके साथ क्या हुवा था यह सब भूल जाओ l बीते हुए कल का दुःख , पीड़ा , दर्द , कष्ट , अपमान , अनादर , असफलता इन सब को भूल जाओ l अगर आप इन्हे नहीं भूलोगे तो वे तुम्हे पूरा बर्बाद कर देंगे l इसलिए उन्हें भूलना ही अच्छा है l बीते हुए कल का चिंतन करने के बजाय वर्तमान को अतिसुन्दर ,बेहत्तर बनानेका दृढ़ संकल्प करो l समय बढ़ा बलवान है , वह तेजीसे आगे बढ़ रहा है l उसका सदुपयोग करो l सब चीजोंका संग्रह किया जा सकता है लेकिन समय का संग्रह आज तक दुनियामे ना कोई कर पाया है , नाही कोई करेगा l इसलिए हर पल को आनंद और खुशीसे जिओ l हर क्षण को सुन्दर बनाओ l मौज में जीना सीखो l सर झुकाने से नमाज़ें अदा नहीं होती…!!!
दिल झुकाना पड़ता है इबादत के लिए…!!!
पहले मैं होशियार था,
इसलिए दुनिया बदलने चला था,
आज मैं समझदार हूँ,
इसलिए खुद को बदल रहा हूँ।।
बैठ जाता हूं मिट्टी पे अक्सर…
क्योंकि मुझे अपनी औकात अच्छी लगती है..
मैंने समंदर से सीखा है जीने का सलीक़ा,
चुपचाप से बहना और अपनी मौज में रहना ।
ऐसा नहीं है कि मुझमें कोई ऐब नहीं है
पर सच कहता हूँ मुझमे कोई फरेब नहीं है
जल जाते हैं मेरे अंदाज़ से मेरे दुश्मन
क्यूंकि एक मुद्दत से मैंने
न मोहब्बत बदली
और न दोस्त बदले .!!.
પ્રિય પ્રજ્ઞા બેન
મને આનંદ આપે એવી ભૂતકાળની વાતો વાકગોળવિ ગમે છે .
तुण्डे तुण्डे मतिर्भिन्ना
મૂતરવાનું પણ ભુલી જાય એવા ગુરૂ?
હા…હા…હા…હા…હા…હા…
પ્રિય સુરેશ ભાઈ
એવા મારા ગુરુ હતા . એટલે તો હું ખાવાનુંય ભૂલી જાઉં છું ,જમી પરવારીને નહાથ ધોતો હોય , અને પાછો જમવા બેસી જાઉં છું .
હું આતાવાણીમાં
ગુરુજી વિશેની વાતમાં એક વાત કહેવાની રહી ગઈ . વાત એ છેકે સાંઢો જોયા પછી ગુરુજી ભાગ્ય ત્યારે તેમની ઢીલી પોતડી નીચે પડી નો જાય એના માટે પ્રાણશંકરે
પાછળથી પોતડી પકડીને ગુરુજીની સાથે સાથે દોડેલો . ગુરુજી ભણાવવા માટે ગાડી ઉપર બેસે ત્યારે પેટ ન તણાય એટલે પોતડી ઢીલી રાખતા .